Sēo oþiwung

Tōdæg wæs ic on weorcesgemōte þǣr ic and mīne efenwyrhtan oþiwodon ūre geweorc ōðrum menniscum. Ic hogode hǣdre fōre for þǣm þe hit ne līcþ mē nā fore mænigum sprecan. Sēo hāle oþiwung eode hwæðere wel and ealle wǣron welgedōn, ic eac.

Sēo bebyrigednes

Tódæg eode ic tō bebyrigednesse ānes frēondes mīnes hīredes. Hē wæs gīet geong, ānlīce ān and fīftig wintra, and þēah þe hē swīðe wlitigne hīred hæfde hwæðere hæfde hē swīðe sārlíc līf and næfre geearnode þæt hē ācwelan sceolde swā hrædlīce. Hwīlum þence ic mē hū geomor and sceortlicu ūre līf sind and geleorendlicu. And gewisse þyncþ swā manigum mannum, ne ānlīce mē. Ac sōþ is hwæðere þæt ān līf ne scortlic is ne langlic. Nis ne eac great ne lytel. And ne eac hæfþ līf andgiet ne getācnunge. Āne is þæt man brūce and nēote līfes swā betst man mæg þā hwīle þe man līf hæbbe.

Þā frēondas

Nīwe fand ic nīwne frēond þæm þe, swā swā mē selfum, līcþ Englisc and þe wille þā gereorde tō sprecanne leornian. Is swīðe til mennisc mētan þe habbaþ gelīce gemēde, þonne biþ eall þing sibb and drēam, nis swā?

Sēo gēomornes

Þis gewrit is ymb swīðe syndorlicu þing and is mē swīðe earfoþ ymb tō wrītanne.

Nīwe wearþ ic 'murnende on mōde' and gehwæt is mē 'sār on sefan', swā   swā se scop gefyrn gewrāt. Hit cymþ mē oft on gemynd hū weorðlēas ic bēo, oþþe hit mē þyncþ þæt ic bēo, for þý ic ne mæg næfre mid folce ānlīce gesprecan būton ic swīge and ne mæg nāwiht geþencan ymb hwelc tō secganne. 'Scēoh' hātte hit on fela mūða oþþe 'forhtig'. Ic neom hwæðere scēoh, þā ic on mōde wel mē fēle þā ēom ic geþeodlīc and gemænsumlīc and mæg mid gehwām æt gespræce sittan. Þis ne gelimpeþ þeah swā oft and ic weorðe oftost gēomor. Þyncþ mē nū þe ic mid sumum hælþwyrcende sprecan sceal. Wā lā.

Míne gefrǽge..

Míne gefrǽge is hit swá þæt þý ǽhtspédigra man síe þý unfreondlicra man wierþ. And swá þyncþ hit þǽm þe eagan hæfþ tó seonne and brægen tó þencanne þæt þá þe micel sceattes ágon ne þyncaþ swá mildheortlic mennisc. And sóþ is hit þæt þá þe micel sceattes ágon willaþ þæt man helpe him þá gestréon gehealdan. Oftost wierþ hit þæt folcþegnas helpaþ þás ǽhtspédigan. And oftost on gecorenesse céosaþ wé þás folcþegnas þe helpaþ þá ǽhtspédigan þe úre ne giemaþ and willaþ ánlíce hire gestréon gehealdan and furðum eacnian. Ne þyncþ lá hit þé ungeleáflíc??

Séo corenes

Tódæg on Þǽm Geánlǽhtan Cynedome is corenes. Þeah þe ic ne má on Englalande búe, móte ic þeah giet on Englalande cyst dón. Is swíðe eaðelic feorran cyst dón, man ánlíce cyst sendan swá swá man gewunelic ǽrendgewrit sendan. Weorðaþ manige men þæs landes wérige for þá endeleasan corenesse on þǽre manige þara meahtelicra folcþegna þyncaþ þǽm folce lícettan. Wá lá, ic gewérie eac.

Se lárpæþ

Tódæg hæfde ic niedmicel gewrit tó sendanne fóre þæm þe ic tó weorcstówe fór. Lá, se folcwægn dráf hider on túne færinga swá sceolde ic getengan swíðe! Ac hit eode wel and ic gestáh þone folcwægn búton earfoðe. Þonne ic tó weorcstówe ancwóm þonne sceolde ic on lárpaðe (oþþe gelese) gán for þæm þe wé hwílum sculon níwe seorunesse leornian, swá getengde ic mec and hit wearþ mé swíðe nytt!

Hám

Tó dæg is monandæg and gewunelíce sceolde ic tó weorcstówe faran, ac ic hæfde ántíde mid þǽm tóþlǽce, oþþe rihtor gesægd mid þǽm tóþhǽlþwyrcende. For þý ic swá feor fram þǽre weorcstówe búe swá mót ic on mínum húse wyrcan gif ic sum ǽrende hæbbe swá eom ic nú æt hám and wyrce. Lá, man hringde mé þeah on morgene and mé cyðde þæt se tóþhǽlþwyrcend wæs seoc and ne meahte mec métan. Ic ne gíeme þæs, hwæþere, for þý ic móste æt hám wyrcan.