Sēo bebyrigednes

Tódæg eode ic tō bebyrigednesse ānes frēondes mīnes hīredes. Hē wæs gīet geong, ānlīce ān and fīftig wintra, and þēah þe hē swīðe wlitigne hīred hæfde hwæðere hæfde hē swīðe sārlíc līf and næfre geearnode þæt hē ācwelan sceolde swā hrædlīce. Hwīlum þence ic mē hū geomor and sceortlicu ūre līf sind and geleorendlicu. And gewisse þyncþ swā manigum mannum, ne ānlīce mē. Ac sōþ is hwæðere þæt ān līf ne scortlic is ne langlic. Nis ne eac great ne lytel. And ne eac hæfþ līf andgiet ne getācnunge. Āne is þæt man brūce and nēote līfes swā betst man mæg þā hwīle þe man līf hæbbe.

Onweardes ond uppeweardes

Lá hwæt hit wæs lange þrage siðþan ic æghwæt wrát, ymb thrie gear ic geliefe. Ac nú ic wile onginn eft wrítan for þæm þe hit þyncþ mé sél swá tó dónne ond swíðe nytlic.

Lá, hwæt dyde ic siðþan ic níwost hider wrát? Ic hæfde cild, áne swíðe wlítige dohtor þá þe wit Cægleah genamodon, ond mænige óðerra þinga be hwelce ic næbbe tó hyhte æghwæt wrítan. Hah! Eaðe mæg þæt wesan for þon ic náwiht hider ne wrát, for þon náwiht ne mé gelamp! :) Gea, foruton þæt ic cild hæfde .. þæt þyncþ mé micel þing. Eac þæt ic nú for án gear ongan on feorlárhúse leornian. Ic wolde healdan forþ betere weorðan mid mínum geweorce swá þóhte ic þæt ic wile furðor leornian. Ac! Hú scolde ic on lárhús gán þá ic in uppelande buan? Lá hwelce níwnesse sind on þissum dágum! Þæt heahlárhús on Liwerpule geforðaþ lárpaðu geond þæt internett, ond swelc lárpæþ þe man þeonan geforðaþ wile ic onginnan! Ac hwæt hit wæs déore, tó þæm þæt ic nylle ymb þæt gild ná sprecan!

Nú wierþ hit fela þing tó gelimpe on þissum húse, tó bysene þæt ic sóna blinne mid mínum ealdostan ciepgeþoftan wyrcan. Hit wæs nú for tiene geara siþðan wé ongunnon samodwyrcan, ond hira þances þæt ic meahte hider on Sweonlande mec hámettan. Þæs sceal ic níwe cierras ond bisgunga gefindan ond níwe ciepgeþoftan gemétan. Þis þyncþ mé hwettendlíc!! Onweardes ond uppeweardes!


Níwe word
ciepgeþofta (m) - customer, business-partner
heahlárhús (n) - universityinternett (n) - internet
lárpæþ (m) - course

Cycel in þære cylene

Wurde mé gefrægen níwe þæt óðer mann þe stent mé néah nú eacen is. Þisses wearþ ic swíðe glæd ond ic áh tó hyhte gehwæt tóweardnes bringe. Ic ne mæg giet secgan hwá se mann biþ þe eacen is, ac þæt náwiht gedéþ ond þeah þe ic hwílwendlíce rúne healdan sceal þeah wile ic gehwæt secgan. Lá hú ic blissie!

Módádl

Án þe mé néah stent wearþ níwe séoc on gemynde ond gefandode selfcwellan. Is mé wyn tó secganne þæt þæt ne spéow þǽm menn, þeah ic ond míne mágas siþþan þearle murndon for his lífwege. Nú is se monn sélre, ond þeah þe wé his giet giemaþ swá þyncp ús þæt his geting weorðe eft sél.

Þisses lífes mín

Hwílum cymþ man on þráge þá man ne wát hwæt man dón sceolde oþþe furðum gif man sceolde áwiht dón. "Wesan oþþe ne wesan", swá sægde se dénisca æðeling.

Ic ful wát þæt þis gewrit gerýnelíc þyncan meahte ac ic nylle hwæt gewislíc wrítan for þý þæt þe ic on gemynde hæbbe is mé syndrig ond ymbe þæt ic ne sceolde áreccan.

Giese, léofe, þis líf sóðlíce manigfeald biþ ond þrágum þyncþ heard, furðum þǽm þe nánra óðerra earfoþa ne cunniaþ.